ഡല്ഹി കേന്ദ്രമായി പ്രവര്ത്തിക്കുന്ന ഓണ്ലൈന് ന്യൂസ് പോര്ട്ടലായ ‘ന്യൂസ്ക്ലിക്കി’ലെ മാധ്യമപ്രവര്ത്തകരുടെ വീടുകളില് വ്യാപക റെയ്ഡ്. ഡല്ഹി പൊലിസിന്റെ സ്പെഷല് സെല്ലിന്റെ നേതൃത്വത്തിലാണു നിരവധി പേരുടെ വസതികളില് പരിശോധന നടക്കുന്നത്. ചൈനീസ് ഫണ്ട് ലഭിച്ചെന്ന ആരോപണത്തെ തുടര്ന്നാണ് റെയ്ഡ്. ആഗസ്റ്റ് 17ന് ഓണ്ലൈന് പോര്ട്ടലിനെതിരെ തിവ്രവാദ വിരുദ്ധ കേസെടുത്തിരുന്നു. ന്യൂസ്ക്ലിക്കിന് ചൈനീസ് ഫണ്ട് ലഭിക്കുന്നുണ്ടെന്ന് ന്യൂയോര്ക്ക് ടൈംസിന്റെ അന്വേഷണ റിപ്പോര്ട്ട് പുറത്തു വന്നതിന് പിന്നാലെയായിരുന്നു ഇത്.
ഇന്നു പുലര്ച്ചെയാണ് പൊലിസ് സംഘം മാധ്യമപ്രവര്ത്തകരുടെ വീടുകളിലെത്തിയത്. ഡല്ഹി, നോയ്ഡ, ഗാസിയാബാദ് എന്നിവിടങ്ങളിലുള്ള സഞ്ജയ് രജൗറ, ഭാഷാ സിങ്, ഊര്മിളേഷ്, പ്രബിര് പുര്കയസ്ത, അഭിസാര് ശര്മ, ഔനിന്ദ്യോ ചക്രവര്ത്തി എന്നിവരുടെ വീടുകളിലാണ് പരിശോധന നടക്കുന്നത്.