സുരേഷ് ഗോപിയെ സത്യജിത്ത് റായ് ഇൻസ്റ്റിറ്റ്യൂട്ട് ഓഫ് ഫിലിം ആന്ഡ് ടെലിവിഷന് അധ്യക്ഷനായി നിയമിച്ച് കേന്ദ്ര സര്ക്കാര്. മൂന്ന് വര്ഷത്തേക്കാണ് നിയമനം.
കേന്ദ്രമന്ത്രി അനുരാഗ് ഠാക്കൂറാണ് ഇക്കാര്യം പ്രഖ്യാപിച്ചത്. ഇൻസ്റ്റിറ്റ്യൂട്ട് ഗവേണിംഗ് കൗൺസില് ചെയർമാന്റെ ചുമതലയും സുരേഷ് ഗോപി വഹിക്കും.നേരത്തെ സുരേഷ് ഗോപിയെ കേന്ദ്രമന്ത്രി സഭയിലേക്ക് പരിഗണിക്കുമെന്ന് റിപ്പോർട്ടുകളുണ്ടായിരുന്നു. വരുന്ന ലോക്സഭാ തിരഞ്ഞെടുപ്പിൽ തൃശ്ശൂരിൽ നിന്നും സുരേഷ് ഗോപി മത്സരിക്കുമെന്നാണ് പ്രതീക്ഷിക്കപ്പെട്ടിരുന്നത്. ഇതിനിടയിലാണ് കേന്ദ്രസർക്കാർ സുരേഷ് ഗോപിയെ സത്യജിത്ത് റായ് ഇൻസ്റ്റിറ്റ്യൂട്ട് ഓഫ് ഫിലിം ആന്ഡ് ടെലിവിഷന് അധ്യക്ഷനായി നിയമിച്ചിരിക്കുന്നത്.