വാഹനങ്ങളും ഡ്രൈവിങ്ങും ഏറെ ഇഷ്ടപ്പെടുന്നയാളാണ് മലയാളത്തിന്റെ മെഗാതാരം മമ്മൂട്ടി. വിവിധ മോഡലുകളിലുളള നിരവധി വാഹനങ്ങളാണ് അദ്ദേഹത്തിന്റെ കൈവശമുളളത്. വാഹനങ്ങള്ക്കെല്ലാം 369 എന്ന നമ്പരാണ് താരം സ്വന്തമാക്കിയിട്ടുളളത്. പുതിയ ബെന്സിന് 369 നമ്പര് വാശിയേറിയ ലേലത്തിനാണ് താരം സ്വന്തമാക്കിയത്.
കെഎല് 07 ഡിസി 369 എന്ന നമ്പറാണ് എറണാകുളത്തെ ആര് ടി ഓഫീസില് നടന്ന ലേലത്തിലൂടെ വന്തുകയ്ക്ക് നേടിയത്.
മെഴ്സിഡീസ് മെയ്ബ ജി.എല്.എസ് 600, ജി വാഗണ്, ബെന്സ് വി ക്ലാസ്, എസ് ക്ലാസ് ലാന്ഡ് റോവര് ഡിഫന്ഡര്, റേഞ്ച് റോവര്, ഫോക്സ്വാഗണ് പോളോ ജിടിഐ തുടങ്ങി മമ്മൂട്ടിയുടേയും ദുല്ഖറിന്റേയും കാരവാനുകള്ക്ക് വരെ 369 എന്ന നമ്പറാണുള്ളത്.
കെഎല് 07 ഡിസി 369 എന്ന നമ്പറിനായി മമ്മൂട്ടിക്ക് പുറമെ മറ്റ് രണ്ടുപേര് കൂടി രംഗത്തെത്തിയതോടെയാണ് ലേലം നടത്താന് തീരുമാനിച്ചത്. തുടര്ന്ന് ഓണ്ലൈനായി നടന്ന ലേലത്തിലൂടെ 1.31 ലക്ഷം രൂപയ്ക്ക് താരം നമ്പര് സ്വന്തമാക്കുകയായിരുന്നു. 5,000 രൂപ മാത്രം അടിസ്ഥാന വിലയിട്ടിരുന്ന 369 എന്ന നമ്പറില് മമ്മൂട്ടി കണ്ണുവെച്ചതോടെയാണ് വിലയേറിയ നമ്പറായി മാറിയത്.