കെഎസ്എഫ്ഇയാണ് ഏറ്റവും കൂടുതല് ലാഭമുണ്ടാക്കിയ പൊതുമേഖല സ്ഥാപനം.2021-22ല് 105.49 കോടിയാണ് ലാഭമെങ്കില് 2022-23ല് ഇത് 350.88 കോടിയായി വര്ധിച്ചു. കെഎംഎംഎല് (85.04 കോടി) രണ്ടാം സ്ഥാനത്തും ട്രാവന്കൂര് കൊച്ചിന് കെമിക്കല്സ് (67.91 കോടി) മൂന്നാം സ്ഥാനത്തുമാണ്. അതേ സമയം, മദ്യവില്പ്പനയില് മുന്നിരയിലുള്ള ബിവറേജസ് കോര്പ്പറേഷന് (35.93 കോടി) ലാഭപ്പട്ടികയില് എട്ടാം സ്ഥാനത്താണ്.2022-23ല് ആകെ വിറ്റുവരവ് 40,774.07 കോടിയായി വര്ധിച്ചു. 2021-22ല് ഇത് 37,405 കോടിയായിരുന്നു.
വിറ്റുവരവില് ഒന്നാം സ്ഥാനത്ത് കെഎസ്ഇബിയും (17,984.58 കോടിയും) രണ്ടാംസ്ഥാനത്ത് കെഎസ്എഫ്ഇയും (4503.78 കോടി) മൂന്നാം സ്ഥാനത്ത് ബിവറേജസ് കോര്പറേഷനുമാണ് (3393.77 കോടി). നഷ്ടത്തില് മുന്നില് കെഎസ്ആര്ടിസിയും (1521.82 കോടി) വാട്ടര് അതോറിറ്റിയും (1312.84 കോടി) ആണ്.അതേസമയം നികുതി വരുമാനത്തില് ബിവറേജസ് കോര്പ്പറേഷനാണ് മുന്നില്. 16190.07 കോടി രൂപയാണ് ബിവറേജസ് കോര്പ്പറേഷന് ഖജനാവിലെത്തിച്ചത്. സംസ്ഥാനത്ത 131 പൊതുമേഖല സ്ഥാപനങ്ങളില് 57 എണ്ണം ലാഭകരമെന്ന് ബ്യൂറോ ഓഫ് പബ്ലിക് എന്റര്പ്രൈസസ് റിപ്പോര്ട്ട്. അതേ സമയം 59 എണ്ണം നഷ്ടത്തിലാണെന്നും റിപ്പോര്ട്ടിലുണ്ട്. ബജറ്റ് രേഖകള്ക്കൊപ്പം നിയമസഭയില് സമര്പ്പിച്ച റിപ്പോര്ട്ടിലാണ് ഇക്കാര്യങ്ങള് വ്യക്തമാക്കിയരിക്കുന്നത്