വാഷിങ്ടണ്: പലസ്തീന് അനുകൂല സായുധസംഘമായ ഹമാസിനെതിരായ യുദ്ധത്തില് ഇസ്രയേലിന് കൂടുതല് സൈനിക സഹായവാഗ്ദാനവുമായി അമേരിക്ക. യുദ്ധക്കപ്പലുകളും വ്യോമയാനങ്ങളും അയക്കുമെന്ന് യു.എസ്. പ്രതിരോധ സെക്രട്ടറി ലോയ്ഡ് ഓസ്റ്റിന് അറിയിച്ചു. സൈനിക സഹായവും ആയുധ കൈമാറ്റവും വര്ധിപ്പിക്കുമെന്നും അദ്ദേഹം വ്യക്തമാക്കി.
അമേരിക്കന് പടക്കപ്പലായ യു.എസ്.എസ്. ജെറാള്ഡ് ആര് ഫോര്ഡ് ഇസ്രയേല് ലക്ഷ്യമാക്കി കിഴക്കന് മെഡിറ്ററേനിയന് കടലിലേക്ക് നീങ്ങാന് നിര്ദേശം നല്കിയതായി ഓസ്റ്റിന് അറിയിച്ചു. ആണവശേഷിയുള്ള വിമാനവാഹിനി കപ്പലാണ് യു.എസ്.എസ്. ജെറാള്ഡ് ഫോര്ഡ്. ഇതിന് പുറമെ ഒരു മിസൈല് വാഹിനിയും നാല് മിസൈല് നശീകരണികളും അയക്കും. യു.എസ്. യുദ്ധവിമാനങ്ങളായ എഫ്-35, എഫ്-15, എഫ്-16, എ-10 എന്നിവയും ഇസ്രയേലിന് കൈമാറും.