സപ്ലൈകോയില് സബ്സിഡി സാധനങ്ങള്ക്ക് 55 ശതമാനത്തോളം സബ്സിഡി ലഭിച്ചിരുന്നു. സബ്സിഡിയില് കുറവു വരുത്താന് മന്ത്രിസഭാ യോഗം അനുമതി നല്കി. ഇതോടെ 13 ഇനങ്ങളുടെ സബ്സിഡിയാണു കുറയുക.
ഭക്ഷ്യവകുപ്പിന്റെ അഭ്യര്ഥനയെ തുടര്ന്നാണു സബ്സിഡിയില് കുറവു വരുത്തുന്നത്. ചെറുപയര്, ഉഴുന്ന്, വന്കടല, വന്പയര്, തുവരപ്പരിപ്പ്, മുളക്, മല്ലി, പഞ്ചസാര, വെളിച്ചെണ്ണ, ജയ അരി, കുറുവ അരി, മട്ട അരി, പച്ചരി എന്നിവയ്ക്കാണ് സബ്സിഡി കുറയുക.
നിലവിൽ 55 ശതമാനം സബ്സിഡി നൽകിയാണ് സാധനങ്ങൾ വിതരണം ചെയ്യുന്നത്. അത് 20 ശതമാനം കുറച്ച് ഇനി മുതൽ 35 ശതമാനം മാത്രമായിരിക്കും സബ്സിഡിയുണ്ടാവുക. വിദഗ്ധ സമിതിയുടെ ശിപാർശ പ്രകാരമാണ് സർക്കാർ തീരുമാനം.