മുന്മന്ത്രി വി എസ് ശിവകുമാറിന്റെ വീട്ടില് നിക്ഷേപകരുടെ പ്രതിഷേധം. തിരുവനന്തപുരം ജില്ല അണ് എംപ്ലോയിസ് സോഷ്യല് വെല്ഫെയര് കോ ഓപ്പറേറ്റീവ് സൊസൈറ്റിയില് പണം നിക്ഷേപിച്ചവരാണ് പ്രതിഷേധിക്കുന്നത്. കിള്ളിപ്പാലം, വെള്ളായണി, വലിയതുറ ബ്രാഞ്ചുകളിലെ നിക്ഷേപകരാണ് പ്രതിഷേധിക്കുന്നത്. 300 നിക്ഷേപകര്ക്കായി 13 കോടി നഷ്ടമായി എന്നാണ് ഇവര് ആരോപണമുന്നയിക്കുന്നത്. ശിവകുമാറിന്റെ ബിനാമിയുടെതാണ് സൊസൈറ്റി എന്ന് പണം നഷ്ടപെട്ടവര് ആക്ഷേപിക്കുന്നത്.
2002 ല് ശിവകുമാറായിരുന്നു സൊസൈറ്റി ഉദ്ഘാടനം ചെയ്തത്. സംസ്ഥാനത്ത് സഹകരണ സംഘങ്ങളില് ഏറ്റവും കൂടുതല് ക്രമക്കേട് നടന്നത് യുഡിഎഫ് ഭരിക്കുന്ന സംഘങ്ങളിലെന്ന് അന്വേഷണ റിപ്പോര്ട്ട് പുറത്ത് വന്നത് സെപ്തംബര് അവസാന വാരമാണ്. ക്രമക്കേട് ഉണ്ടായ 272 സഹകരണ സംഘങ്ങളില് 202 ന്റെയും ഭരണം യുഡിഎഫ് സമിതിക്കെന്നാണ് സഹകരണ രജിസ്ട്രാറുടെ റിപ്പോര്ട്ട്.