മൂന്നാം തവണയും രാജ്യത്ത് ബി.ജെ.പി അധികാരത്തില് വന്നാല് ആപത്താണെന്നും പിന്നീട് ദുഃഖിച്ചിട്ട് കാര്യമില്ലെന്നും മുഖ്യമന്ത്രി പിണറായി വിജയന്. മതാധിഷ്ഠിത രാഷ്ട്രം സ്ഥാപിക്കുകയെന്നതും ന്യൂനപക്ഷങ്ങള്ക്ക് നേരെ പക്ഷപാതപരമായ നിലപാടുകള് സ്വീകരിക്കുകയെന്നതുമാണ് ബി.ജെ.പി.യുടെ ലക്ഷ്യമെന്നും മുഖ്യമന്ത്രി പറഞ്ഞു. കണ്ണൂരില് എല്.ഡി.എഫ്. കുടുംബയോഗത്തില് സംസാരിക്കുകയായിരുന്നു അദ്ദേഹം.
ഇനിയൊരു ടേം അസാധ്യമാണെന്ന് തിരിച്ചറിവിലേക്ക് ബി.ജെ.പി. എത്തിയിട്ടുണ്ട്. അത് കൂടുതല് ആപത്കരമായ നടപടികളിലേക്ക് നീങ്ങുന്നതിന് അവരെ പ്രേരിപ്പിക്കും. പ്രതിപക്ഷപാര്ട്ടികളെ ലക്ഷ്യംവെച്ചു നടന്ന ഇ.ഡി. റെയ്ഡ് അതാണ് സൂചിപ്പിക്കുന്നതെന്നും മുഖ്യമന്ത്രി പറഞ്ഞു. നാനാത്വത്തില് ഏകത്വത്തിന്റെ അടിസ്ഥാനത്തിലുള്ള ഒരു ഭരണഘടനയാണ് സ്വാതന്ത്ര്യാനന്തര ഇന്ത്യയില് ഉണ്ടാക്കിയത്. അത് സ്വാതന്ത്ര്യ സമരഘട്ടത്തില് ഉയര്ത്തിയ മൂല്യങ്ങളുടെ സ്വാംശീകരണമായിരുന്നു. ഈ അവസ്ഥയാണ് സ്വാതന്ത്ര്യ സമരത്തിന് അന്നേ എതിരായിരുന്ന ആര്.എസ്.എസും. സംഘപരിവാറും ഇപ്പോള് ഇല്ലാതാക്കുന്നത്.
രാജ്യത്തിന്റെ ഏകീകൃതനില അവര് ഇഷ്ടപ്പെടുന്നില്ല. വ്യത്യസ്തതകള് അംഗീകരിക്കാന് തയ്യാറല്ല. ഞങ്ങള് കഴിക്കുന്ന ഭക്ഷണം തന്നെ നിങ്ങള് കഴിച്ചോളണം. മാറിക്കഴിച്ചാല് അത് വര്ഗീയ സംഘര്ഷത്തിന് ഇടയാക്കുന്നു. അതിന്റെ ഭാഗമായുള്ള കൊലകള് അരങ്ങേറുന്നത് നമ്മള് കണ്ടു. അതുപോലെ നമ്മുടെ രാജ്യത്ത് പശുവിനെ അടിസ്ഥാനമാക്കിയുള്ള ഒരുപാട് സംഘര്ഷങ്ങളുണ്ടായി’, മുഖ്യമന്ത്രി ചൂണ്ടിക്കാട്ടി.
മൂന്നാമത്തെ ടേം കൂടി ബി.ജെ.പി. അധികാരത്തില് തുടരുന്ന സാഹചര്യമുണ്ടായാല് നമ്മുടെ രാജ്യത്തിന് അപരിഹാര്യമായ ആപത്താണ് സംഭവിക്കുക. പിന്നെ ദുഃഖിച്ചിട്ട് കാര്യമില്ല. ഈ വസ്തുത രാജ്യം പൊതുവേ കാണുന്നുവെന്നും അതിന്റെ അടിസ്ഥാനത്തില് ഈ ആപത്ത് ഒഴിവാക്കേണ്ടതാണ് എന്ന പൊതുനിലപാടില് എല്ലാവരും എത്തിച്ചേരുമെന്നും’, മുഖ്യമന്ത്രി വ്യക്തമാക്കി
ബി.ജെ.പി.യെ ഒരു തുടര്ഭരണ സാധ്യതയില്ലാത്ത അവസ്ഥയിലേക്ക് എത്തിക്കുക എന്നതാണ് രാജ്യം ഇപ്പോള് പൊതുവേ ചര്ച്ചചെയ്തു കൊണ്ടിരിക്കുന്നത്. ഇക്കാര്യത്തില് നല്ല സൂചനകളാണ് പുറത്തു വരുന്നത്. ബി.ജെ.പി.ക്ക് ഏറെക്കുറെ കാര്യം പിടികിട്ടിയിരിക്കുന്നു. ഇനിയൊരു ടേം അസാധ്യമാകുമെന്ന തിരിച്ചറിവിലേക്ക് അവരെത്തുന്നു. പക്ഷേ ആ തിരിച്ചറിവ് കൂടുതല് ആപത്കരമായ നടപടികളിലേക്ക് നീങ്ങുന്നതിന് അവരെ പ്രേരിപ്പിക്കുമെന്നതാണ് അടുത്ത ദിവസങ്ങളിലുണ്ടായ സംഭവങ്ങള് കാണിക്കുന്നത്.