ഈ ലോകകപ്പ് നേടാന് സാധ്യതയുളള രണ്ട് ടീമുകള് തമ്മിലുളള ആദ്യമത്സരം. എന്നാല് ചപ്പോക്കിലെ ചിദംബരം സ്റ്റേഡിയത്തിലെ ഇന്ത്യന് മുന്നിര ബാറ്റ്സ്മാന്മാരുടെ പ്രകടനം കണ്ട് ഇന്ത്യന് ആരാധകര് തരിച്ചിരുന്നു. ടോപ്പ് ഓര്ഡറിലെ 4 പേരില് മൂന്ന് ബാറ്റേഴ്സും പുജ്യത്തിന് പുറത്താകുന്നു. ക്യാപ്റ്റന് രോഹിത് ശര്മ്മ ജോഷ് ഹസല് വുഡിന്റെ പ്രതിരോധ്യത് കമായ ബോളിന് മുന്പില് ഫുട് വര്ക്കില് പരാജയപ്പെട്ടപ്പോള് ഇഷാന് കിഷന് മിച്ചല് സ്റ്റാര്ക്കിന്റെ മനോഹരമായ ഔട്ട് സിംഗറിന് മുന്പില് ബാറ്റ് വെച്ച് ഫസ്റ്റ് സ്ലിപ്പില് കാമറൂണിന് പിടി കൊടുക്കുമ്പോള്, ചെപ്പോക്കില് നിശ്ശബ്ദത പരന്നു.
അടുത്ത ഊഴം ശ്രേയസ് അയ്യരുടേതായിരുന്നു. യാതൊരു വിധ റെസ്പോന്സിബിലിറ്റിയും കാണിക്കാതെ അയ്യര് ഹേസല് വുഡിന്റെ ബൗളിംഗില് വാര്ണ്ണര്ക്ക് പിടി കൊടുക്കുമ്പോള്, ഒരു ദയനീയ തോല്വിയുടെ ചിത്രം ചെപ്പോക്കില് നമ്മെ തുറിച്ച് നോക്കുന്നുണ്ടായിരുന്നു പക്ഷെ, അവിടെയാണ് സീനിയര് താരങ്ങളായ കിംഗ് കോഹ്ലിയും, രാഹുലും ആ ദൗത്യം ഏറ്റെടുക്കാന് മുന്നിട്ടിറങ്ങിയത്. ലോകകപ്പില് ടീമില് രാഹുല് ഇടം നേടിയപ്പോള് കടുത്ത വിമര്ശനമാണ് നേരിട്ടത്. എന്നാല് വിമര്ശകരുടെ വായടപ്പിക്കുന്ന മറുപടിയാണ് രാഹുല് ബാറ്റ് കൊണ്ട് നല്കിയിരിക്കുന്നത്. മത്സരത്തില് ഇന്ത്യയെ വിജയത്തിലെത്തിച്ച രാഹുല് പുറത്താകാതെ 97 റണ്സ് നേടി.