തട്ടിക്കൊണ്ടുപോയ ആറു വയസ്സുകാരി അബിഗേല് സാറ റെജിക്കായുള്ള തിരിച്ചില് 14 മണിക്കൂര് പിന്നിട്ടിരിക്കുകയാണ്. അന്വേഷണത്തിന്റെ ഭാഗമായി തിരുവനന്തപുരത്തുനിന്ന് മൂന്നു പേരെ പൊലീസ് കസ്റ്റഡിയിലെടുത്തു. ശ്രീകണ്ഠേശ്വരത്തുനിന്ന് രണ്ടുപേരെയും ശ്രീകാര്യത്തുനിന്ന് ഒരാളെയുമാണ് കസ്റ്റഡിയിലെടുത്തത്.
ശ്രീകണ്ഠേശ്വരത്തെ കാര് വാഷിങ് സെന്ററില് നടത്തിയ പരിശോധനയ്ക്കുശേഷമാണ് രണ്ടുപേരെ കസ്റ്റഡിയിലെടുത്തതെന്നാണ് വിവരം.
കുട്ടിയെ തട്ടിക്കൊണ്ടുപോയ കാറുമായി ബന്ധപ്പെട്ട സംശയത്തിന്റെ അടിസ്ഥാനത്തിലാണ് മൂന്നുപേരും കസ്റ്റഡിയിലായതെന്നാണ് സൂചന. ശ്രീകണ്ഠേശ്വരത്തെ കാര് വാഷിങ് സെന്ററില് പരിശോധനയില് 500 രൂപയുടെ 19 നോട്ടുകെട്ടുകള് കണ്ടെടുത്തു.