പ്രമുഖ നടി ഗൗതമി ബി.ജെ.പി. വിട്ടു. തന്റെ സ്വത്തും സമ്പാദ്യവും തട്ടിയെടുത്തയാളെ പാര്ട്ടി നേതാക്കള് സംരക്ഷിക്കുന്നുവെന്ന് ആരോപിച്ചാണ് നടി ബി.ജെ.പി അംഗത്വം രാജി വച്ചത്. പാര്ട്ടിയുമായുള്ള 25 വര്ഷത്തെ ബന്ധം ഗൗതമി അവസാനിപ്പിക്കുന്നതിന് കാരണവും വ്യക്തമാക്കുന്നുണ്ട്. 20 വര്ഷം മുമ്പ് തന്റെ വസ്തുക്കളും മറ്റും കൈകാര്യം ചെയ്യാന് ഏല്പ്പിച്ച സി. അഴഗപ്പന് വിശ്വാസവഞ്ചന നടത്തിയെന്നും അതിനെതിരായുള്ള നിയമപോരാട്ടത്തില് പാര്ട്ടി തനിക്കൊപ്പം നിന്നില്ലെന്നുമാണ് ഗൗതമിയുടെ ആരോപണം.
25 വര്ഷം മുമ്പ് രാഷ്ട്രനിര്മാണത്തിനായി ബി.ജെ.പിയില് ചേര്ന്ന തന്റെ എല്ലാ പ്രയാസങ്ങള്ക്കിടയിലും അര്പ്പണബോധം അംഗീകരിക്കപ്പെട്ടിരുന്നുവെന്ന് ഗൗതമി രാജിക്കത്തില് പറയുന്നു.