കുടുംബശ്രീയുടെ ഔദ്യോഗിക പരിപാടിയില് പങ്കെടുത്തതിന് പത്തനംതിട്ടയിലെ എല്.ഡി.എഫ് സ്ഥാനാര്ഥി തോമസ് ഐസക്കിന് ജില്ലാ വരണാധികാരിയുടെ താക്കീത്. സര്ക്കാര് പരിപാടികളില് ഇനി പങ്കെടുക്കരുതെന്ന് തോമസ് ഐസക്കിന് നിര്ദേശം നല്കി.യു.ഡി.എഫ്. ജില്ലാ ചെയര്മാന് വര്ഗീസ് മാമനാണ് ചട്ടലംഘനം ചൂണ്ടിക്കാട്ടി പരാതി നല്കിയിരുന്നത്. പന്തളം തെക്കേക്കര പഞ്ചായത്തില് നടന്ന കുടുംബശ്രീ യോഗത്തില് പങ്കെടുത്തവര്ക്ക് വനിതാ വികസന കോര്പറേഷന്റെ വായ്പ നല്കുമെന്ന് സ്ഥാനാര്ഥി വാഗ്ദാനം ചെയ്തിരുന്നതായും കെ ഡസ്കിന്റെ സൗകര്യങ്ങള് പ്രചാരണത്തിന് ഉപയോഗിക്കുന്നു എന്നുമായിരുന്നു പരാതിയിലുണ്ടായിരുന്നത്. പരാതിയെ തുടര്ന്ന് കളക്ടര് തോമസ് ഐസകില് നിന്നും വിശദീകരണം തേടിയിരുന്നു.
തോമസ് ഐസക്ക് പങ്കെടുത്ത പരിപാടിയുടെ വീഡിയോ ദൃശ്യങ്ങള് അടക്കം പരിശോധിച്ചിരുന്നു. പരാതിയില് തോമസ് ഐസക്ക് നല്കിയിട്ടുള്ള വിശദീകരണം കൂടി പരിശോധിച്ചാണ് നടപടിയെടുത്തിട്ടുള്ളത്. ഇതുസംബന്ധിച്ച റിപ്പോര്ട്ട് കലക്ടര് തെരഞ്ഞെടുപ്പ് കമ്മീഷന് കൈമാറി.