യുഡിഎഫ് സ്ഥാനാര്ത്ഥി ആന്റോ ആന്റണിക്കായി ഉമ്മന്ചാണ്ടിയുടെ മകള് അച്ചു ഉമ്മന് പ്രചാരണത്തിനെത്തും. ബിജെപി സ്ഥാനാര്ത്ഥിയും എ കെ ആന്റണിയുടെ മകനുമായ അനില് ആന്റണി ബാല്യകാല സുഹൃത്തായതിനാല് അച്ചു ഉമ്മന് പ്രചാരണത്തിന് ഉണ്ടാകില്ലെന്ന് അഭ്യൂഹങ്ങളുണ്ടായിരുന്നു. പത്തനംതിട്ടയില് ഏപ്രില് 6-ാം തീയതിയാവും അച്ചു ഉമ്മന് പ്രചാരണത്തിനെത്തുക. ഇത് സംബന്ധിച്ച് ഫേസ്ബുക്കില് പോസ്റ്റ് പങ്കുവെച്ചിട്ടുണ്ട്.പത്തനംതിട്ട മണ്ഡലത്തിലേക്കുള്ള യുഡിഎഫ് സ്ഥാനാര്ത്ഥിയായേക്കുമെന്ന അഭ്യൂഹവും ഉണ്ടായിരുന്നു. അതേസമയം ഉമ്മന്ചാണ്ടിയുടെ മരണത്തിന് ശേഷമുള്ള ഒരു ഇടവേളയ്ക്കിപ്പുറം കണ്ടന്റ് ക്രിയേഷന് രംഗത്ത് സജീവമായിരിക്കുകയാണ് അച്ചു ഉമ്മന്. വിദേശത്ത് സ്ഥിരതാമസമാക്കിയ അച്ചു ഉമ്മനും കുടുംബവും ഉമ്മന് ചാണ്ടിയുടെ മരണത്തെത്തുടര്ന്ന് തന്റെ ജോലിയില് നിന്ന് വിട്ടു നില്ക്കുകയായിരുന്നു അച്ചു. പിന്നീട് ഉപതിരഞ്ഞെടുപ്പ് പ്രചാരണത്തിരക്കിലും സജീവമായിരുന്നു.