കായംകുളത്ത് ഓടിക്കൊണ്ടിരിക്കുന്ന കെ.എസ്.ആര്.ടി.സി ബസിന് തീപിടിച്ചു. ദേശീയപാതയില് കായംകുളം എം.എസ്.എം കോളജിന് സമീപമാണ് അപകടമുണ്ടായത്. കൊല്ലത്തുനിന്ന് തൊപ്പുംപടിയിലേക്കു പോയ ഡബിള് ഡക്കര് ബസിനാണ് തീപിടിച്ചത്. ബസ് പൂര്ണമായി കത്തിനശിച്ചു.എന്താണ് അപകടത്തിന് കാരണമെന്ന് വ്യക്തമല്ല. അഗ്നിശമന സേന എത്തിയാണ് തീയണച്ചത്.
ബസില് നിന്ന് മണം ഉയരുന്നത് ശ്രദ്ധയില്പ്പെട്ട ഡ്രൈവര് ബസ് നിര്ത്തി ഉടന്തന്നെ യാത്രക്കാരെ പുറത്തേക്ക് ഇറങ്ങാന് ആവശ്യപ്പെടുകയായിരുന്നു. ഇതിന് പിന്നാലെ ബസ്സില് തീ ആളിപ്പടരുകയായിരുന്നുവെന്ന് ദൃക്സാക്ഷി പറയുന്നു. ഡ്രൈവരുടെ സമയോചിതമായ ഇടപെടല് കാരണമാണ് വലിയ അപകടം ഒഴിവായത്.