ടിപ്പര് ലോറിയില് നിന്ന് കല്ല് തെറിച്ച് വീണ് ബൈക്ക് യാത്രികന് ദാരുണാന്ത്യം.
വിഴിഞ്ഞം തുറമുഖത്തേക്ക് ലോഡ് കൊണ്ടുവന്ന മുക്കോല സ്വദേശി അനന്തു ആണ് മരിച്ചത്. നിംസ് കോളജിലെ നാലാം വര്ഷ ബി.ഡി.എസ് വിദ്യാര്ഥിയാണ്.
തലയ്ക്ക് സാരമായി പരിക്കേറ്റതിനെ തുടര്ന്ന് നെയ്യാറ്റിന്കരയിലെ സ്വകാര്യ ആശുപത്രിയില് തീവ്രപരിചരണ വിഭാഗത്തില്അനന്തുവിനെ പ്രവേശിപ്പിച്ചിരുന്നു. ആരോഗ്യനില വഷളായതിനെ തുടര്ന്ന് വെന്റിലേറ്ററിലേക്ക് മാറ്റിയിരുന്നു. ഇതിന് പിന്നാലെയാണ് മരണം.
സംഭവത്തിനുശേഷം തുറമുഖ കവാടം വിവിധ രാഷ്ട്രീയ കക്ഷികള് ഉപരോധിച്ചു. രാവിലെ 10 മണി വരെ അമിതഭാരം കയറ്റിയ പോകുന്ന വാഹനങ്ങള്ക്ക് നിയന്ത്രണം ഏര്പ്പെടുത്തണമെന്ന ആവശ്യം ഉന്നയിച്ചാണ് ഉപരോധം. തുറമുഖ അധികൃതരും പൊലിസും ചര്ച്ചയ്ക്ക് വരണമെന്നും പ്രശ്നങ്ങള് പരിഹരിക്കണമെന്നും പ്രതിഷേധക്കാര് ആവശ്യപ്പെട്ടു. അദാനി ഗ്രൂപ്പ് പ്രതിനിധികളുമായി പ്രതിഷേധക്കാര് ചര്ച്ച നടത്തി.