ഷാരോണ് രാജിനെ കഷായത്തില് വിഷം കൊടുത്ത് കൊന്ന കേസിലെ പ്രതി ഗ്രീഷ്മ സുപ്രീംകോടതിയില്. കേസിന്റെ വിചാരണ തമിഴ്നാട്ടിലേക്ക് മാറ്റണമെന്നാണ് സുപ്രീംകോടതിയില് നല്കിയ ഹര്ജിയിലെ ആവശ്യം. നിലവില് കേരളത്തില് നടക്കുന്ന വിചാരണ കന്യാകുമാരിലെ ജെഎംഎഫ് സി കോടതിയിലേക്ക് മാറ്റണമെന്നാണ് ആവശ്യപ്പെട്ടാണ് ഹര്ജി. ഗ്രീഷ്മയും കേസിലെ മറ്റു കൂട്ടുപ്രതികളുമാണ് സുപ്രീംകോടതിയെ സമീപിച്ചത്. കന്യാകുമാരി ജില്ലയിലെ പൂമ്പള്ളിക്കോണത്താണ് പ്രതികളുടെ വീട്. സംഭവം നടന്നത് തമിഴ്നാട്ടിലായതിനാല് വിചാരണയും അവിടെ നടത്തണമെന്നാണ് ഹര്ജിയിലെ ആവശ്യം. അഭിഭാഷകന് ശ്രീറാം പാറക്കാട്ടാണ് ഹര്ജി സമര്പ്പിച്ചത്.
നിലവില് നെയ്യാറ്റികര അഡീഷണല് സെക്ഷന്സ് കോടതിയിലാണ് നടപടികള് പുരോഗമിക്കുന്നത്. കേസിലെ നടപടികള് കേരളത്തില് നടക്കുന്നത് പ്രതികള്ക്ക് ലഭിക്കേണ്ട നീതി ഉറപ്പാക്കാന് തടസമാകുമെന്ന കാരണമാണ് പ്രതികളുമാണ് വാദം.