കോണ്ഗ്രസ് വിട്ട് സിപിഎമ്മിലെത്തിയ പിഎസ് പ്രശാന്ത് തിരുവിതാംകൂര് ദേവസ്വം ബോര്ഡിന്റെ പുതിയ പ്രസിഡന്റാകും. സിപിഎം സംസ്ഥാന സെക്രട്ടേറിയറ്റിലാണ് ഇതുസംബന്ധിച്ച തീരുമാനം ഉണ്ടായത്. നിലവിലെ ദേവസ്വം ബോര്ഡ് പ്രസിഡന്റ് കെ.അന്തഗോപന്റെ കാലാവധി നവംബര് 14ന് അവസാനിക്കാന് ഇരിക്കയൊണ് പിഎസ് പ്രശാന്ത് സ്ഥാനത്തേക്ക് വരുന്നത്.
തിരുവനന്തപുരം വിതുര സ്വദേശിയായ പ്രശാന്ത് മൂന്നു പതിറ്റാണ്ട് കോണ്ഗ്രസിലായിരുന്നു. കെഎസ്യുവിലൂടെ പൊതുരംഗത്തെത്തി. കെഎസ്യു തിരുവനന്തപുരം ജില്ലാ പ്രസിഡന്റ്, യൂത്ത് കോണ്ഗ്രസ് സംസ്ഥാന ജനറല് സെക്രട്ടറി, കെപിസിസി സെക്രട്ടറി സ്ഥാനങ്ങള് വഹിച്ചു. ഉമ്മന്ചാണ്ടി മുഖ്യമന്ത്രിയായിരിക്കേ 2011-16 കാലത്ത് സംസ്ഥാന യുവജന ക്ഷേമ ബോര്ഡ് വൈസ് ചെയര്മാനായി. 2021 നിയമസഭ തെരഞ്ഞെടുപ്പില് യുഡിഎഫ് സ്ഥാനാര്ഥിയായി നെടുമങ്ങാട് മത്സരിച്ചെങ്കിലും ഭക്ഷ്യമന്ത്രി ജിആര് അനിലിനോട് പരാജയപ്പെട്ടു.