പ്രധാനമന്ത്രി നരേന്ദ്രമോദിയുടെ 73-ാം ജന്മദിനമായ ഞായറാഴ്ചമുതൽ സേവന ദ്വൈവാരം ആചരിക്കാൻ ബി.ജെ.പി.
സമൂഹത്തിന്റെ വിവിധ മേഖലകളുമായി ബന്ധപ്പെട്ട് വിവിധ ക്ഷേമപദ്ധതികൾ നടപ്പാക്കിയാണ് പരിപാടിയെന്ന് ബി.ജെ.പി. നേതാക്കൾ പറഞ്ഞു. ഞായറാഴ്ചമുതൽ ഒക്ടോബർ രണ്ടുവരെയാണ് സേവനപ്രവർത്തനങ്ങൾ.ജന്മദിനത്തിൽ പി.എം. വിശ്വകർമപദ്ധതി ഉദ്ഘാടനംചെയ്താണ് സേവനപ്രവർത്തനങ്ങളിൽ പ്രധാനമന്ത്രി പങ്കെടുക്കുന്നത്. കേന്ദ്രസർക്കാരിന്റെ ക്ഷേമപ്രവർത്തനങ്ങളെക്കുറിച്ച് താഴെത്തട്ടുമുതൽ പ്രചാരണം നടത്തുക, രക്തദാനക്യാമ്പുകൾ, ശുചിത്വപരിപാടികൾ, ആരോഗ്യപരിപാടികൾ എന്നിവ സംഘടിപ്പിക്കുക തുടങ്ങിയ പരിപാടികൾ പ്രവർത്തകർക്കായി പാർട്ടി സംഘടിപ്പിച്ചിട്ടുണ്ട്. കഴിഞ്ഞദിവസം ദേശീയ അധ്യക്ഷൻ ജെ.പി. നഡ്ഡയുടെ നേതൃത്വത്തിൽ ചേർന്ന യോഗമാണ് കാര്യപരിപാടികൾ നിശ്ചയിച്ചത്.