തിരുവനന്തപുരത്ത് എക്സൈസിന്റെയും പോലീസിന്റെയും വ്യാപക പരിശോധന ലഹരിവസ്തുക്കള് പിടികൂടി . തിരുവനന്തപുരം നഗരത്തില് മൂന്ന് യുവാക്കളില്നിന്നായി 125 ഗ്രാം എം.ഡി.എം.എയുള്പ്പെടെ ലഹരിമരുന്നുകള് പിടിച്ചെടുത്തു. അരുവിക്കരയില് വാടകവീട്ടില്നിന്ന് അഞ്ചുകിലോ കഞ്ചാവും പിടികൂടി. ജില്ലയുടെ വിവിധഭാഗങ്ങളിലും അമരവിള ചെക്ക്പോസ്റ്റിലും ഉള്പ്പെടെ പരിശോധന തുടരുകയാണ്.
തിരുവനന്തപുരം ശാസ്തമംഗലം ശ്രീജിത്ത്, രാഹുല്, പ്രാവച്ചമ്പലം സ്വദേശി വിഷ്ണു എന്നിവരില്നിന്നാണ് എം.ഡി.എം.എ. പിടികൂടിയത്. ശാസ്തമംഗലത്ത് പിടിയിലായവരില്നിന്ന് 109 ഗ്രാം എം.ഡി.എം.എ.യും പ്രാവച്ചമ്പലം സ്വദേശിയില്നിന്ന് 15 ഗ്രാം എം.ഡി.എം.എ.യുമാണ് കണ്ടെടുത്തത്. പെരിങ്ങമല സ്വദേശി മുഹമ്മദ് ആദിലിനെ അരഗ്രാം എം.ഡി.എം.എ.യും പിടികൂടി. യുവാക്കള് എം.ഡി.എം.എ. കടത്താന് ഉപയോഗിച്ച രണ്ട് ബൈക്കുകളും സ്കൂട്ടറും കസ്റ്റഡിയിലെടുത്തിട്ടുണ്ട്.