കോട്ടയം: പിസി ജോര്ജ് ബിജെപിയിലേക്ക്. ജനപക്ഷം സെക്കുലര് ബിജെപിയില് ചേരണമെന്നാണ് പാര്ട്ടിയിലെ പൊതുവികാരം. ലോക്സഭ തെരഞ്ഞെടുപ്പിനുമുമ്പ് തീരുമാനമുണ്ടാകുമെന്ന് പിസി ജോര്ജ് പറഞ്ഞു.
‘ജനപക്ഷം ബിജെപിക്കൊപ്പം പോകും. ബിജെപിയില് അംഗത്വം എടുക്കണമെന്നാണ് സംസ്ഥാന കമ്മിറ്റി അഭിപ്രായം. ലയനം എന്ന് പറയാന് ആകില്ല. നദിയില് തോടു ചേരുന്നു അത്രമെ പറയാനാകു.’ പി സി ജോര്ജ്ജ് പറഞ്ഞു.
ബിജെ പി യില് ചേരണമെന്ന അനുകൂലമായ നിലപാടാണ് ജനപക്ഷം സംസ്ഥാന നേതൃത്വത്തിന്റേത്. ബിജെപിയെ ഇക്കാര്യം അറിയിച്ചു. പത്തനം തിട്ടയില് സ്ഥാനാര്ത്ഥിയാകണമെന്ന നിര്ബന്ധമില്ലെന്നും പി സി ജോര്ജ് അഭിപ്രായപ്പെട്ടു.
‘ഇന്ത്യയില് ഏറ്റവും നല്ല പ്രവര്ത്തനം കാഴ്ചവെച്ച ഒരു പ്രധാനമന്ത്രി ഉണ്ടായിരിക്കുകയാണ്. നെഹ്റു മുതലുള്ള ചരിത്രം പരിശോധിച്ചാല് ഇത്രയും പ്രഗത്ഭനായ ഒരു പ്രധാനമന്ത്രി ഉണ്ടായിട്ടില്ല. അദ്ദേഹത്തിന് പിന്തുണ നല്കുന്നതാണ് ശരിയെന്നാണ് പാര്ട്ടിയില് എല്ലാവരുടെയും അഭിപ്രായം. സീറ്റൊന്നും പ്രശ്നമല്ല. പത്തനംതിട്ടയില് നിന്നേ തീരൂ എന്നെനിക്ക് ഒരു നിര്ബന്ധവുമില്ല’ പി.സി ജോര്ജ് പറഞ്ഞു.