സംസ്ഥാന സര്ക്കാരിനെതിരെയുള്ള എന്ഡിഎയുടെ സെക്രട്ടേറിയറ്റ് ഉപരോധം ഇന്നലെ രാത്രിയോടെ ആരംഭിച്ചു. അഴിമതിക്കും സഹകരണ കൊള്ളയ്ക്കും വിലക്കയറ്റത്തിനും മുഖ്യമന്ത്രി രാജിവയ്ക്കണമെന്നും കൊള്ളക്കാര് ഭരണം വിടണമെന്നും ആവശ്യപ്പെട്ടുകൊണ്ടാണ് എന്ഡിഎ സെക്രട്ടേറിയറ്റ് ഉപരോധിക്കുന്നത്.
യുവമോര്ച്ച ജില്ലാ കമ്മിറ്റിയുടെ നേതൃത്വത്തിലുള്ള പ്രവര്ത്തകരും കാമരാജ് കോണ്ഗ്രസ് പ്രവര്ത്തകരുമാണ് ഇന്നലെ രാത്രി മുതല് ഉപരോധം തുടങ്ങിയത്. രാത്രി എട്ടോടെ സെക്രട്ടേറിയറ്റിനു മുന്നിലെത്തിയ പ്രവര്ത്തകര് സെക്രട്ടേറിയറ്റിനു മുന്നിലുള്ള റോഡില് പ്രകടനം നടത്തിയ ശേഷമാണ് ഉപരോധസമരം തുടങ്ങിയത്. ഉപരോധത്തില് തലസ്ഥാന നഗരത്തിലെ പ്രധാന റോഡുകളിലെല്ലാം വലിയ തോതില് ഗതാഗത കുരുക്ക് അനുഭവപ്പെട്ടു.