തിരുവനന്തപുരം മാനവീയം വീഥിയില് വീണ്ടും സംഘര്ഷം തുടര്ക്കഥയാകുന്നു. ഇന്നലെ പൊലീസിന് നേരെയുണ്ടായ കല്ലേറില് ഒരാള്ക്ക് പരിക്കേറ്റു. നെട്ടയം സ്വദേശി രാജിക്ക് ആണ് കല്ലേറില് പരിക്കേറ്റത്. പൊലീസിനെ കല്ലെറിഞ്ഞ ജയപ്രസാദ് എന്നയാള് ഉള്പ്പെടെ നാലു പേരെ പൊലീസ് കസ്റ്റഡിയിലെടുത്തു. ഉച്ചഭാഷിണി ഉപയോഗം രാത്രി 12 മണിക്ക് പൊലിസ് നിര്ത്തിവെച്ചിരുന്നു. ഇതിന് പിന്നാലെ ഡാന്സ് കളിച്ച മദ്യപസംഘം കസേരകള് തല്ലിത്തകര്ത്തു. പിന്നാലെയാണ് പൊലീസിന് നേരെ കല്ലെറിഞ്ഞത്. പൊലീസിനെ എറിഞ്ഞ കല്ല് തലയില് വീണാണ് നെട്ടയം സ്വദേശിയായ സ്ത്രീക്ക് പരിക്കേറ്റത്.
നേരത്തെ നൈറ്റ് ലൈഫ് ആരംഭിച്ചതുമുതലുളള മാനവീഥിയെക്കുറിച്ചുളള നാട്ടുകാരുടെ ആശങ്ക കേരളൈറ്റ് ന്യൂസില് വാര്ത്തയായിരുന്നു. പിന്നാലെ പോലീസ് സുരക്ഷാസംവിധാനങ്ങള് ശക്തമാക്കിയിരുന്നു.
റോഡിന്റെ രണ്ട് വശത്തും ബാരിക്കേഡ് സ്ഥാപിക്കും. ഡ്രഗ് കിറ്റ് കൊണ്ടുഉള പരിശോധന നടത്തുമെന്നും പൊലീസ് അറിയിച്ചു. സംശയമുളളവരെ മാത്രമാകും കിറ്റ് ഉപയോഗിച്ചുള്ള പരിശോധന നടത്തുകയെന്നും എല്ലാവരെയും പരിശോധിക്കില്ലെന്നും പൊലീസ് അറിയിച്ചിരുന്നു.