തിരുവനന്തപുരം: സിപിഎം പോളിറ്റ്ബ്യൂറോ അംഗവും മുൻ സംസ്ഥാന സെക്രട്ടറിയുമായ കോടിയേരി ബാലകൃഷ്ണൻ വിട പറഞ്ഞിട്ട് ഒക്ടാേബർ ഒന്നിന് ഒരു വർഷം പൂർത്തിയാകുമ്പാേൾ കർമ്മ കുശലതയും നർമ്മ ഭാഷണവും നയചാതുര്യവും സമ്മേളിച്ച സൗമ്യഭാവത്തിൽ നയങ്ങളിൽ വിട്ടുവീഴ്ചയില്ലാതെ പാർട്ടിയെ നയിച്ച കരുത്തന്റെ ഓർമ്മകൾക്ക് നിറം പകരുന്ന തിരക്കിലാണ് പാർട്ടിയും കുടുംബവും . വിഭാഗീയതയും നയവ്യതിയാനവു മാെക്കൊ ജ്വലിച്ച് നിന്ന കാലത്ത് മുതിർന്നേ നേതാക്കൾക്കിടയിൽ മഞ്ഞുരുക്കുന്ന നയചാതുരിയുടെ ജീവിക്കുന്ന ഉദാഹരണമായിരുന്നു കോടിയേരി . പാർട്ടിയിലും മുന്നണിയിലും അസ്വാരസ്യങ്ങളും പ്രശ്നങ്ങളുമാെക്കെ മികവാർന്ന തരത്തിൽ കെെകാര്യം ചെയ്യുന്നതിലുള്ള മിടുക്ക് പലവട്ടം തെളിയിക്കപ്പെട്ടതാണ്. പിണറായി വിജയനും അച്ചുതാനന്ദനും തമ്മിലും പിണറായിയും സി.പി.ഐ നേതാവ് വെളിയം ഭാർഗ്ഗവനും തമ്മിലും കൊമ്പുകോർത്തിരുന്ന കാലത്ത് മധ്യസ്ഥ റാേൾ ഭംഗിയായി നിർവഹിക്കാൻ കോടിയേരിക്ക് കഴിഞ്ഞുവെന്നത് ചരിത്രത്തിന്റെ ഭാഗമാണ്. അത്തരത്തിൽ ഒരു നേതാവിന്റെ സേവനം അത്യാവശ്യം വേണ്ടി വന്ന കാലത്ത് സഖാവിന്റെ അഭാവം സി.പി.എമ്മിനും പാർട്ടി നേതാക്കൾക്കും വലിയ തരത്തിലുള്ള ശൂന്യതയാണ് സൃഷ്ടിക്കുന്നത്.
16-ാം വയസിൽ പാർട്ടി അംഗത്വം എടുത്ത കോടിയേരി പിൽക്കാലത്ത് പാർട്ടിയിലും ഭരണത്തിലും നിർണ്ണായക പദവികളും കെെയ്യാളി കഴിവ് തെളിയിച്ച വ്യക്തിത്വമാണ്. 1982 മുതൽ 2011 വരെ തലശ്ശേരിയിൽ നിന്ന് നിയമസഭാംഗമായി 2001 ൽ പ്രതിപക്ഷ നേതാവും 2006 ൽ അച്ചുതാനന്ദൻ മന്ത്രിസഭയിൽ ആഭ്യന്തര മന്ത്രിയുമായി. 2015ലാണ് സി.പി.എം സംസ്ഥാന സെക്രട്ടറിയാകുന്നത്. 2018 ൽ വീണ്ടും സംസ്ഥാന സെക്രട്ടറിയായി. അന്തരിച്ച നേതാവിന്റെ ഓർമ്മ നിലനിർത്താൻ വീട്ടിലും നാട്ടിലും സ്മാരകങ്ങളാെരുങ്ങിക്കഴിഞ്ഞു. കണ്ണൂരിലെ പയ്യാമ്പലത്ത് ഒരുക്കിയ സ്മൃതി കുടീരം ഒന്നാം വാർഷിക ദിനത്തിൽ നിലവിലെ സംസ്ഥാന സെക്രട്ടറി എം.വി. ഗാേവിന്ദൻ ഉദ്ഘാടനം ചെയ്യും. ജില്ലയിലെ വിവിധ ഗ്രന്ഥശാലകൾക്ക് കോടിയേരിയുടെ പേര് നൽകി കഴിഞ്ഞു. തലശ്ശേരി നഗരസഭ ഠൗൺ ഹാൾ ഇനി മുതൽ കോടിയേരിയുടെ പേരിലാവും അറിയപ്പെടുക.എണ്ണമറ്റ പോരാട്ടങ്ങളിലൂടെ ആർജ്ജിച്ച തീക്കരുത്തും നേതൃശേഷിയും അനുഭവസമ്പത്തും അചഞ്ചലമായ പാര്ടിക്കൂറുമായി കളം നിറഞ്ഞ് നിന്ന കോടിയേരി ബാലകൃഷ്ണന് ഏതു പ്രതിസന്ധിയെയും നിറഞ്ഞ ചിരിയോടെ നേരിടുന്ന പ്രകൃതക്കാരനായിരുന്നു. മുഖത്തെ സൗമ്യഭാവവും സദാ ഉള്ള പുഞ്ചിരിയും പ്രവർത്തകർക്കും അദ്ദേഹത്തെ പ്രിയങ്കരനാക്കി. കേരളത്തിലെ വിവിധ സ്ഥലങ്ങളിൽ അനുസ്മരണ ചടങ്ങുകൾ സംഘടിപ്പിച്ച് പ്രിയ നേതാവിന്റെ സ്മരണകൾക്ക് പുതു ജീവൻ നല്കാനുള്ള ശ്രമത്തിലാണ് പാർട്ടിയും നേതാക്കളും