സംസ്ഥാനത്ത് ഇന്നും ചൂട് ഉയർന്നു തന്നെ നിൽക്കും. എട്ടു ജില്ലകളില് ഉയര്ന്ന താപനില മുന്നറിയിപ്പ് നൽകിയിട്ടുണ്ട്. ഈ ജില്ലകളില് കേന്ദ്ര കാലാവസ്ഥ വകുപ്പ് യെല്ലോ അലര്ട്ട് പ്രഖ്യാപിച്ചു. കൊല്ലം, കോട്ടയം, പാലക്കാട്, ആലപ്പുഴ, എറണാകുളം, തൃശൂര്, കോഴിക്കോട്, കണ്ണൂര് ജില്ലകളിലാണ് ഇന്ന് കനത്ത ചൂട് അനുഭവപ്പെടുക.
കൊല്ലം, കോട്ടയം, പാലക്കാട് ജില്ലകളില് 37 ഡിഗ്രി സെല്ഷ്യസ് വരെയും ആലപ്പുഴ, എറണാകുളം, തൃശൂര്, കോഴിക്കോട്, കണ്ണൂര് ജില്ലകളില് 36 ഡിഗ്രി സെല്ഷ്യസ് വരെയും താപനില ഉയര്ന്നേക്കുമെന്നാണ് കാലാവസ്ഥ വകുപ്പിന്റെ മുന്നറിയിപ്പില് പറയുന്നത്. എല്ലായിടത്തും സാധാരണയേക്കാള് 2-3 ഡിഗ്രി സെല്ഷ്യസ് വരെ താപനില ഉയരാന് സാധ്യതയുണ്ട്.