ഇസ്രയേല് – ഹമാസ് യുദ്ധം തുടരുന്നതിനിടെ ഹമാസ് സംഘടനയിലെ മുഴുവന് ആളുകളെയും കൊന്നൊടുക്കുമെന്ന ഭീഷണിയുമായി ഇസ്രയേല് പ്രധാനമന്ത്രി ബെഞ്ചമിന് നെതന്യാഹു. . ഹമാസിലെ അംഗങ്ങള് ഓരോരുത്തരും ‘മരിച്ച മനുഷ്യര്’ ആണെന്നും അദ്ദേഹം പറഞ്ഞു. സംഘടനയിലെ എല്ലാവരേയും കൊന്നൊടുക്കുക എന്നതാണ് ഇസ്രയേലിന്റെ ലക്ഷ്യമെന്ന് നെതന്യാഹു അഭിപ്രായപ്പെടുന്നത് .
ഐ.എസ്.ഐ.എസ് പോലൊരു ഭീകര സംഘടനയാണ് ഹമാസെന്ന് നെതന്യാഹു പറഞ്ഞു. ലോകം ഐ.എസിനെ ഏത് രീതിയില് നശിപ്പിച്ചോ, അതേ രീതിയില് ഇസ്രയേല് ഹമാസിനെ തകര്ക്കും, നെതന്യാഹു പറഞ്ഞു. ശത്രുവിനെ നേരിടാന് ഭരണ-പ്രതിപക്ഷം ഒന്നിച്ച് യുദ്ധ കാബിനറ്റ് രൂപവത്കരണത്തിനിടെയാണ് നെതന്യാഹുവിന്റെ പ്രതികരണം.