കരിപ്പൂരില് നിന്നുള്ള ഹജ്ജ് യാത്ര നിരക്ക് കുറച്ചു. ഹജ്ജിനുള്ള വിമാന നിരക്ക്1,27,000 രൂപയായി എയര് ഇന്ത്യ പുതുക്കി നിശ്ചയിച്ചു.
കരിപ്പൂര് വഴിയുള്ള ഹജ്ജ് യാത്രയ്ക്ക് 165000 രൂപ ടിക്കറ്റ് ചാര്ജ് നല്കണമെന്നായിരുന്നു കേന്ദ്ര ഹജ്ജ് കമ്മിറ്റി നേരത്തെ അറിയിച്ചത്. 38000 രൂപ കുറച്ച് 127000 രൂപ ആണ് ഇനി തീര്ത്ഥാടകര് യാത്രാകൂലി ആയി നല്കേണ്ടി വരിക.
ടിക്കറ്റ് ചാര്ജ് കുറച്ചെങ്കിലും മറ്റ് വിമാനത്താവളങ്ങളെ അപേക്ഷിച്ച് കരിപ്പൂരില് 40,000 രൂപ ഇപ്പോഴും തീര്ഥാടകര് അധികം നല്കണം.
കൊച്ചി, കണ്ണൂര് വിമാനത്താവളങ്ങള് വഴി ഹജ്ജിന് പോകുന്നവര് 86000 രൂപയാണ് യാത്രാകൂലിയായി നല്കേണ്ടത്.