മലയാളത്തിലെ പല ക്ലാസിക് സിനികളുടെയും നിര്മാതാവായ ഗാന്ധിമതി ബാലന്റെ (65) സംസ്കാരം ഇന്ന് . രാവിലെ വഴുതക്കാട് പൊതുദര്ശനത്തിന് ശേഷം തൈക്കാട് ശാന്തികവാടത്തില് സംസ്കാരം നടക്കും.
മലയാളത്തിലെ മികച്ച സിനിമകളുടെ പട്ടികയിലുള്ള പഞ്ചവടിപ്പാലം, തൂവാനത്തുമ്പികള്, മൂന്നാംപക്കം, സുഖമോ ദേവി, നൊമ്പരത്തിപ്പൂവ്, മാളൂട്ടി തുടങ്ങിയ ചിത്രങ്ങള് നിര്മിച്ച കമ്പനിയാണ് ഗാന്ധിമതി ഫിലിംസ്. 1990ല് പുറത്തിറങ്ങിയ ഈ തണുത്ത വെളുപ്പാന് കാലത്ത് ആണ് ഗാന്ധിമതിയുടെ അവസാന സിനിമ.
ഇവന്റ്സ് ഗാന്ധിമതി എന്ന ഇവന്റ് മാനേജ്മെന്റ് കമ്പനി ഉടമ കൂടിയായ ഗാന്ധിമതി ബാലന്, 2015 നാഷനല് ഗെയിംസ് ചീഫ് ഓര്ഗനൈസര് ആയിരുന്നു. ചലച്ചിത്ര അക്കാദമി വൈസ് ചെയര്മാനായും സേവനമനുഷ്ഠിച്ചിട്ടുണ്ട്. 63-ാം വയസ്സില് ആലിബൈ ഗ്ലോബല് കമ്പനി എന്ന പേരില് സൈബര് ഫൊറന്സിക് സ്റ്റാര്ട്ടപ് കമ്പനി സ്ഥാപിച്ച് രാജ്യത്തെ ഒട്ടു മിക്ക കുറ്റാന്വേഷണ ഏജന്സികള്ക്കും സൈബര് ഇന്റലിജന്സ് സേവനം നല്കുന്ന സ്ഥാപനം ആയി വളര്ത്തി.
ഒരു കാലത്ത് മോഹന്ലാലിനെയും മമ്മൂട്ടിയെയും വച്ച് കൂടുതല് സിനിമ ചെയ്ത നിര്മാതാവായിരുന്നു. കിലുക്കത്തിനും സ്ഫടികത്തിനും ആദ്യവസാനം നിന്ന് നിര്മ്മാതാവിനു വേണ്ടി സിനിമയിലെ സര്വ ജോലികളും ചെയ്ത് ആദ്യ പ്രിന്റ് വരെ എത്തിച്ചതും ബാലനാണ്. മലയാളം സിനിമ അഭിനേതാക്കളുടെ സംഘടനയായ അമ്മ രൂപീകരിക്കുന്നതിന് നേതൃത്വം നല്കിയ ബാലന്, അമ്മ ഷോ എന്ന പേരില് നിരവധി താരനിശകള് സംഘടിപ്പിച്ചിട്ടുണ്ട്.
ഭാര്യ: അനിത ബാലന്. മക്കള്: സൗമ്യ ബാലന് (ഫൗണ്ടര് ഡയറക്ടര് -ആലിബൈ സൈബര് ഫൊറന്സിക്സ്), അനന്ത പത്മനാഭന് (മാനേജിങ് പാര്ട്ണര് – മെഡ്റൈഡ്, ഡയറക്ടര്-ലോക മെഡി സിറ്റി) മരുമക്കള്: കെ.എം.ശ്യാം (ഡയറക്ടര് – ആലിബൈ സൈബര് ഫൊറന്സിക്സ്, ഡയറക്ടര്- ഗാന്ധിമതി ട്രേഡിങ് & എക്സ്പോര്ട്സ്), അല്ക്ക നാരായണ് (ഗ്രാഫിക് ഡിസൈനര്)