കിഫ്ബി മസാല ബോണ്ട് കേസിൽ വീണ്ടും ഹാജരാകണമെന്ന് ആവശ്യപ്പെട്ട് ഡോ ടി എം തോമസ് ഐസക്കിന് എൻഫോഴ്സ്മെന്റ് ഡയറക്ടറേറ്റ് നോട്ടീസ് അയച്ചു. മസാല ബോണ്ട് ഇടപാടിലെ മുഴുവൻ രേഖകളുമായി മാർച്ച് 12ന് ഹാജരാകണം എന്നാണ് എൻഫോഴ്സ്മെന്റ് ഡയറക്ടറേറ്റ് നിർദ്ദേശിച്ചിരിക്കുന്നത്.തോമസ് ഐസക്കിനോട് ഹാജരാകാൻ ആവശ്യപ്പെട്ട് ഇത് ആറാം തവണയാണ് എൻഫോഴ്സ്മെന്റ് ഡയറക്ടറേറ്റ് അദ്ദേഹത്തിന് നോട്ടീസ് അയക്കുന്നത്. സമൻസ് സ്റ്റേ ചെയ്യണമെന്ന് ആവശ്യപ്പെട്ട് നേരത്തെ തോമസ് ഐസക് ഹൈക്കോടതിയെ സമീപിച്ചിരുന്നുവെങ്കിലും കോടതി ഈ ആവശ്യം തള്ളിയിരുന്നു. മസാല ബോണ്ട കേസ് ഈ മാസം ഏഴിന് ഹൈക്കോടതി വീണ്ടും പരിഗണിക്കാനിരിക്കെയാണ് ഇ ഡി ഇപ്പോൾ തോമസ് ഐസക്കിന് ഹാജരാകാൻ നിർദേശിച്ച് വീണ്ടും നോട്ടീസ് അയച്ചിരിക്കുന്നത്.