കാരയ്ക്കാമണ്ഡപത്ത് വീട്ടിൽ പ്രസവം എടുത്തതിനെ തുടർന്ന് അമ്മയും കുഞ്ഞും മരിച്ച സംഭവത്തിൽ യുവതിയുടെ ഭർത്താവിനെതിരെ മനപൂർവ്വമല്ലാത്ത നരഹത്യ കുറ്റം ചുമത്താൻ തീരുമാനം. യുവതിയുടെ ഭർത്താവ് നയാസിനെതിരെ മനപ്പൂർവമല്ലാത്ത നരഹത്യ കുറ്റം ചുമത്താൻ ആണ് തീരുമാനം.
വീട്ടിൽ പ്രസവം എടുത്തതിനെ തുടർന്ന് ഷമീനയും കുഞ്ഞും മരിച്ചിരുന്നു. വെള്ളായണിയിലെ തിരുമംഗലം ലൈനിൽ വാടകയ്ക്ക് താമസിക്കുകയായിരുന്ന ഷമീനയെ ആശുപത്രിയിൽ പോകാൻ അനുവദിക്കാതെ വീട്ടിൽ പ്രസവിക്കാൻ ഭർത്താവ് നയാസ് നിർബന്ധിക്കുകയായിരുന്നു എന്നാണ് പോലീസ് പറയുന്നത്.
കഴിഞ്ഞ ദിവസം ഉച്ചയ്ക്ക് മൂന്ന് മണിയോടെയായിരുന്നു സംഭവം. യുവതിക്ക് ആശുപത്രി സേവനം കുടുംബം ലഭ്യമാക്കിയില്ലെന്നും അക്യുപങ്ചർ ചികിത്സാരീതിയിലൂടെ പ്രസവം വീട്ടിൽ എടുക്കാൻ ഉള്ള ശ്രമമായിരുന്നു എന്നും നാട്ടുകാരും ആരോപിച്ചു. ഇത് സാധൂകരിക്കുന്ന മൊഴികളും പോലീസിന് ലഭിച്ചിട്ടുണ്ട്.ഷമീനയെ ആശുപത്രിയിലേക്ക് മാറ്റണമെന്ന് പോലീസും ആശാ വർക്കർമാരും നയാസിനോട് ആവശ്യപ്പെട്ടിരുന്നു എങ്കിലും ആശുപത്രിയിൽ കൊണ്ടു പോകാൻ കൂട്ടാക്കാതെ ആശുപത്രിയിൽ കൊണ്ടുപോകാൻ ആവശ്യപ്പെട്ടവരോട് തട്ടിക്കയറുകയായിരുന്നു. യുവതിയുടെയും കുഞ്ഞിനെയും മൃതദേഹങ്ങൾ തിരുവനന്തപുരത്തെ സ്വകാര്യ ആശുപത്രിയിൽ സൂക്ഷിച്ചിരിക്കുകയാണ്