ലോക്സഭാ തിരഞ്ഞെടുപ്പ് ലക്ഷ്യം വെച്ചുള്ള കോൺഗ്രസ് നേതാക്കളുടെ സംസ്ഥാന പര്യടനം ഇന്ന് തുടങ്ങും. കെപിസിസി അധ്യക്ഷൻ കെ സുധാകരന്റേയും പ്രതിപക്ഷ നേതാവ് വി ഡി സതീശന്റെയും നേതൃത്വത്തിലാണ് ജില്ലാ പര്യടനം. ജില്ലകൾ തോറും നേതൃ കൺവെൻഷനുകളിൽ നേതാക്കൾ പങ്കെടുക്കും.ഇന്ന് രാവിലെ കോഴിക്കോട് നടക്കുന്ന ജില്ലാ നേതൃ കൺവെൻഷനിൽ ഇരു നേതാക്കളും പങ്കെടുക്കും. ഉച്ചകഴിഞ്ഞ് ജില്ലയിലെ കെപിസിസി, ഡിസിസി ഭാരവാഹികളുടെ യോഗത്തിലും തുടർന്ന് മുതിർന്ന നേതാക്കളുടെ യോഗത്തിലും നേതാക്കൾ പങ്കെടുക്കും. മണ്ഡലം പുന സംഘടനയുമായി ബന്ധപ്പെട്ട് ഉയർന്ന പരാതികളും നേതാക്കൾ കേൾക്കും.