പൂക്കോട് വെറ്ററിനറി വിദ്യാര്ഥി സിദ്ധാര്ഥിന്റെ മരണത്തില് തുടരന്വേഷണം സി.ബി.ഐക്ക്. മുഖ്യമന്ത്രി പിണറായി വിജയനുമായി സിദ്ധാര്ഥിന്റെ അച്ഛന് നടത്തിയ കൂടിക്കാഴ്ച്ചക്ക് ശേഷമാണ് തീരുമാനം. നേരത്തെ കേസ് അന്വേഷണം സി.ബി.ഐക്ക് വിടുമെന്ന് വിടാമെന്ന് മുഖ്യമന്ത്രി പിണറായി വിജയന് ഉറപ്പ് നല്കിയതായി പിതാവ് ജയപ്രകാശ് പറഞ്ഞിരുന്നു.‘സിദ്ധാര്ഥ് മരിച്ചതല്ല, കൊന്നതാണ് എന്ന് ഉറപ്പാണ്. അതുകൊണ്ട് സി.ബി.ഐ അന്വേഷിക്കണം എന്ന് പറഞ്ഞു. ഉടന് തന്നെ കേസ് സി.ബി.ഐക്ക് വിടാമെന്ന് മുഖ്യമന്ത്രി ഉറപ്പ് നല്കി. കേസ് പഠിക്കട്ടെ എന്നോ നോക്കട്ടെ എന്നൊന്നുമല്ല അദ്ദേഹം പറഞ്ഞത്. സി.ബി.ഐക്ക് വിടാമെന്ന ഉറപ്പാണ് അദ്ദേഹം നല്കിയതെന്ന് ജയപ്രകാശ് പറഞ്ഞിരുന്നു.മകന്റെ മരണത്തില് ഒരുപാട് സംശയങ്ങള് ബാക്കിയുണ്ടെന്നും, എഴുന്നേറ്റ് നില്ക്കാന് കഴിയാത്ത ഒരാള്ക്ക് എങ്ങനെയാണ് തൂങ്ങിമരിക്കാന് കഴിയുക എന്നും സിദ്ധാര്ഥിന്റെ അച്ഛന് പറഞ്ഞു. ഇക്കാര്യങ്ങള് എല്ലാം മുഖ്യമന്ത്രിയെ ധരിപ്പിച്ചെന്നും അദ്ദേഹം കൂട്ടിച്ചേര്ത്തു.അതേസമയം, സിദ്ധാര്ത്ഥനെ ക്രൂരമായി മര്ദിച്ച പ്രധാന പ്രതി സിൻജോ ജോൺസൻ കരാട്ടെ ബ്ലാക്ക് ബെൽറ്റ് ആണെന്ന് പൊലീസ് ഇന്നലെ പറഞ്ഞിരുന്നുകൈവിരലുകൾ കൊണ്ട് സിൻജോ കണ്ഠനാളം അമര്ത്തിയതോടെ സിദ്ധാര്ത്ഥന് ദാഹജലം പോലും ഇറക്കാൻ പറ്റാത്ത അവസ്ഥയായി. പ്രതിപ്പട്ടികയിലേക്ക് മറ്റുചിലർ ഉൾപ്പെടാനുള്ള സാധ്യതയും കൂടുതലാണ്. സിദ്ധാര്ത്ഥൻ അനുഭവിച്ചത് കൊടും ക്രൂരതയാണെന്നാണ് വിദ്യാര്ത്ഥികൾ പൊലീസിന് നൽകിയ മൊഴി. കരാട്ടെയില് ബ്ലാക്ക് ബെൽറ്റ് ഉള്ള പ്രധാനപ്രതി സിൻജോ ജോൺസൺ അഭ്യാസ മികവ് മുഴുവൻ സിദ്ധാര്ത്ഥന് മേൽ പ്രയോഗിച്ചു. ഒറ്റച്ചവിട്ടിന് താഴെയിട്ടു. ശരീരത്തിൽ തള്ളവിരൽ പ്രയോഗം. മര്മ്മം നന്നായി അറിവുള്ള സിൻജോയുടെ കണ്ണില്ലാ ക്രൂരത ആരെയും ഞെട്ടിക്കുന്നതാണ്.പോസ്റ്റുമോര്ട്ടം റിപ്പോര്ട്ട് അനുസരിച്ച് സിദ്ധാര്ത്ഥൻ ഭക്ഷണവും വെള്ളവും കഴിക്കാതെ തീർത്തും അവശനായിരുന്നു. സിൻജോ കൈവിരലുകള്വെച്ച് കണ്ഠനാളം അമര്ത്തിയിരുന്നു. ഇതുണ്ടാക്കിയ ആഘാതം വളരെ വലുതാണ്. വെള്ളം പോലും ഇറക്കാനായില്ലെന്ന് വിദ്യാര്ത്ഥികൾ പൊലീസിന് മൊഴി നൽകിയെന്നാണ് റിപ്പോർട്ട്. ആള്ക്കൂട്ട വിചാരണ പദ്ധതിയിട്ടതും സിഞ്ചോയാണ്. ഇത് തിരിച്ചിറിഞ്ഞാണ് സിൻജോയെ പൊലീസ് മുഖ്യപ്രതിയാക്കിയതും. കാശിനാഥനാണ് ബെൽറ്റ് കൊണ്ട് തലങ്ങും വിലങ്ങും അടിച്ചത്. എല്ലാവരുടേയും പ്രീതി നേടിയ വിദ്യാര്ത്ഥിയോടുള്ള അസൂയ തല്ലിത്തീര്ത്തു എന്ന് വിദ്യാര്ത്ഥികളുടെ മൊഴികളിൽ നിന്ന് പൊലീസ്