വയലിനിസ്റ്റ് ബാലഭാസ്കറിന്റെ മരണത്തില് തുടരന്വേഷണത്തിന് ഉത്തരവിട്ട് ഹൈക്കോടതി. ഗൂഢാലോചനയുണ്ടെങ്കില് കണ്ടെത്തണമെന്നും മൂന്നു മാസത്തിനകം അന്വേഷണം പൂര്ത്തിയാക്കണമെന്നും ഹൈക്കോടതി നിര്ദ്ദേശിച്ചു. ബാലഭാസ്കറിന്റെ പിതാവ് നല്കിയ ഹര്ജിയിലാണ് കോടതി ഉത്തരവ്. സി.ബി.ഐ.യാണ് ഇപ്പോള് കേസ് അന്വേഷിക്കുന്നത്.
ബാലഭാസ്കറിന്റെ മരണവുമായി ബന്ധപ്പെട്ട് നിരവധി ദുരൂഹതകളും പരാതികളും ഉയര്ന്നിരുന്നു. ലോക്കല് പോലീസും ക്രൈംബ്രാഞ്ചും ഉള്പ്പടെ മുമ്പ് അന്വേഷിച്ച ഏജന്സികള് വേണ്ട വിധം അന്വേഷണം നടത്തിയില്ലെന്നും വ്യക്തമായ നിഗമനത്തിലെത്തിയില്ലെന്നും ആക്ഷേപങ്ങള് ഉണ്ടായിരുന്നു. പിന്നീട് കേസ് സി.ബിഐ അന്വേഷണത്തിന് വിടുകയായിരുന്നു.