: കര്ണാടകയില് കോളജ് വിദ്യാര്ഥിനികള്ക്ക് നേരെ ആസിഡ് ആക്രമണം. ദക്ഷിണ കന്നഡ ജില്ലയിലെ കഡബ പി.യു. കോളജിലെ മൂന്നു വിദ്യാര്ഥിനികള്ക്ക് നേരെയാണ് ആക്രമണമുണ്ടായത്. ഒരു വിദ്യാര്ഥിനിയുടെ നില ഗുരുതരം.
അലീന സി.ബി, അര്ച്ചന, അമൃത എന്നിവര്ക്കാണ് ആസിഡ് ആക്രമണത്തില് പരിക്കേറ്റത്. ഇവരെ കഡബ സര്ക്കാര് ആശുപത്രിയില് പ്രവേശിപ്പിച്ചു. രണ്ടു പേരുടെ പരിക്ക് ഗുരുതരമല്ല. സംഭവത്തില് മലയാളിയും എം.ബി.എ വിദ്യാര്ഥിയുമായ അബിനെ (23) പൊലിസ് അറസ്റ്റ് ചെയ്തുവിദ്യാര്ഥിനികള് കോളജില് പരീക്ഷക്കായി തയാറെടുക്കുന്നതിനിടെയാണ് സംഭവം. തൊപ്പിയും മുഖംമൂടിയും ധരിച്ചെത്തിയ പ്രതി കുപ്പിയില് കരുതിയ ആസിഡ് വിദ്യാര്ഥിനികള്ക്ക് നേരെ ഒഴിക്കുകയായിരുന്നു. സംഭവത്തിന് ശേഷം രക്ഷപ്പെടാന് ശ്രമിച്ച പ്രതിയെ ദൃക്സാക്ഷികളും പ്രദേശവാസികളും ചേര്ന്ന് പിന്തുടര്ന്ന് പിടികൂടുകയായിരുന്നു.