തിരൂരില് പതിനൊന്ന് മാസം പ്രായമുള്ള കുഞ്ഞിനെ കൊലപ്പെടുത്തിയ കേസില് അമ്മയും കാമുകനും ഉള്പ്പെടെ നാലുപേരെ പൊലിസ് അറസ്റ്റ് ചെയ്തു. കുട്ടിയുടെ അമ്മ തമിഴ്നാട് കടലൂര് സ്വദേശി ശ്രീപ്രിയ, കാമുകന് ജയസൂര്യ, ഇയാളുടെ അച്ഛന് കുമാര്, അമ്മ ഉഷ എന്നിവരാണ് അറസ്റ്റിലായത്. കൊലക്കുറ്റം, തെളിവ് നശിപ്പിക്കല് തുടങ്ങിയ വകുപ്പുകളാണ് ഇവര്ക്കെതിരെ ചുമത്തിയത്.കടലൂര് സ്വദേശിയായ ഭര്ത്താവിനെ ഉപേക്ഷിച്ച് കാമുകനും അയാളുടെ കുടുംബത്തിനോടുമൊപ്പം തിരൂരിലെത്തിയ ശ്രീപ്രിയയെ കണ്ടെത്തിയ ബന്ധുക്കളാണ് കുഞ്ഞിനെ കാണാനില്ലെന്ന വിവരം പൊലിസില് അറിയിച്ചത്. തുടര്ന്ന് നടത്തിയ അന്വേഷണത്തിലാണ് കുഞ്ഞിനെ കൊന്ന് മൃതദേഹം തൃശൂര് റെയില്വേ സ്റ്റേഷനില് ഉപേക്ഷിച്ച വിവരം യുവതി പൊലിസിനോട് വെളിപ്പെടുത്തുന്നത്. പിന്നാലെ പൊലിസ് നടത്തിയ പരിശോധനയില് റെയില്വേ സ്റ്റേഷന് പരിസരത്തുള്ള ഓടയില് നിന്ന് മൃതദേഹാവശിഷ്ടം കണ്ടെത്തുകയും ചെയ്തു. ബാഗിനുള്ളിലാക്കിയ നിലയിലായിരുന്നു കുഞ്ഞിന്റെ മൃതദേഹം കണ്ടെത്തിയത്.മൂന്ന് മാസം മുമ്പാണ് കൊലപാതകം നടത്തിയതെന്നാണ് പൊലിസ് നിഗമനം. യുവതി ഭര്ത്താവ് മണിപാലിനെ ഉപേക്ഷിച്ച് മൂന്ന് മാസം മുമ്പാണ് തിരൂരിലെത്തിയത്. കുഞ്ഞിന്റെ മൃതദേഹം പോസ്റ്റ്മോര്ട്ടത്തിനായി കോഴിക്കോട് മെഡിക്കല് കോളജിലേക്ക് മാറ്റിയിട്ടുണ്ട്. പോസ്റ്റ്മോര്ട്ടത്തിന് ശേഷം കൂടുതല് വിവരങ്ങള് വ്യക്തമാകും